काठमाडौं । सामसङ नेपालले ग्यालेक्सी एस२५ सिरिज सार्वजनिक गरेको छ । सिरिजअन्तर्गत ग्यालेक्सी एस२५ अल्ट्रा, ग्यालेक्सी एस२५+ सहितका ग्यालेक्सी एस२५ स्मार्टफोन छन् ।

काठमाडौंमा बिहीबार एक कार्यक्रमको आयोजना गर्दै सामसङ नेपालका निर्देशक प्रणयरत्न श्रेष्ठ र मिस नेपाल वर्ल्ड २०१६, अश्मी श्रेष्ठले ग्यालेक्सी एस२५ सिरिज सार्वजनिक गरेका हुन् ।

ग्यालेक्सी एस२५ सिरिजसहित अब ग्यालेक्सी एआईको अर्को चरणमा प्रवेश गरेको सामसङका निर्देशक श्रेष्ठले बताएका छन् । "सामसङले गत वर्ष ग्यालेक्सी एआईसहित मोबाइल एआई युगको सुरुवात गरेको थियो । ग्यालेक्सी एस२५ सिरिजले तपाईंलाई तीव्र सन्दर्भ–समझदारी, व्यक्तिगत एआई अनुभव र व्यक्तिगत गोपनीयता सुनिश्चित गर्दै कार्यकारी सल्लाह सुझाव दिनेछ,"  उनले भने ।

ग्यालेक्सी एस२५ सिरिज सामसङको दीर्घकालीन दृष्टिकोण भएको कम्पनीको भनाइ छ । यसले एआई एजेन्ट र मल्टिमोडल क्षमतालाई प्रयोगकर्ताको अन्तरक्रिया एवं हरेक टचप्वाइन्टमा इन्टिग्रेट गरेको छ । यसले एआईको उत्कृष्ट मोबाइल अनुभव प्रदान गर्ने कम्पनीको अपेक्षा छ ।

यस सिरिजका फोनमा विशेषरूपमा कस्टमाइज गरिएको स्न्यापड्रागन ८ एलिट मोबाइल प्लेटफम छ । यसले उच्चतम प्रोसेसिङ पावर र नेक्स्ट जेन प्रोभिजुअल इन्जिनसहित उत्कृष्ठ क्यामेरा रेन्ज र नियन्त्रण दिन्छ ।

यस्ता छन् एआई सुविधा

यो सामसङको एआई–फर्स्ट प्लेटफर्म वन यूआई ७ रहेको पहिलो स्मार्टफोन सिरिज हो । यसले एआईबाटै टेक्स्ट, स्पिच, इमेज र भिडियोहरू इन्टरप्रेत गरेर अन्तरक्रियाहरूलाई न्याचुरल बनाउँछ । फोन झन्झटबिना विभिन्न एपबीच सजिलै स्विच गर्न सकिन्छ ।

ग्यालेक्सी एस२५ सिरिजको साइड बटन थिचेर जेमिनीलाई एक्टिभेट गर्न सकिन्छ । यसले सामसङ र गुगल एपका साथै स्पटिफाई जस्ता तेस्रो–पक्ष एपसँग पनि सहजै इन्टरएक्सेन गर्न सक्छ । 

यसबाहेक आफ्नो मन पर्ने सपोर्ट्स टिमको सिजन तालिका खोजेर एक कमान्डबाटै सामसङ क्यालेन्डरमा राख्न सकिन्छ ।
गुगलको सर्कल टू सर्चले अब स्क्रिनमा देखिएका फोन नम्बर, इमेल र युआरएल सजिलै चिन्छ । यसले कल ट्रान्सस्क्रिप्ट र समरीले कललग व्यवस्थित गर्ने बताइएको छ ।

राइटिङ असिस्टले कन्टेन्ट समराइज गर्नेदेखि नोटहरूलाई स्वतःस्वरूप फर्म्याट गर्न सक्छ । ड्रइङ असिस्टले स्केच, टेक्स्ट वा इमेज प्रम्प्टको संयोजन गरी आर्ट बनाउन सक्छ ।

गोपनीयता सुरक्षा र हाइपर–पर्सनलाइज्द अनुभव

ग्यालेक्सी एस२५ सिरिजले नोक्स भाल्टबाट सबै व्यक्तिगत डेटालाई गोप्य र सुरक्षित राख्छ । क्वान्टम कम्प्युटिङ प्रविधि विकाससँगै देखा पर्न सक्ने नयाँ खतराविरुद्ध डेटा सुरक्षित राख्न ग्यालेक्सी एस२५ सिरिजले पोस्ट–क्वान्टम क्रिप्टोग्राफीको सुविधा पनि उपलब्ध गरिएको छ । 

सबैभन्दा शक्तिशाली ग्यालेक्सी सिरिज एस२५ सिरिज

ग्यालेक्सी एस२५ सिरिजमा ग्यालेक्सीका लागि बनाइएको स्न्यापड्रागन ८ एलिट प्रोसेसरले यसलाई अघिल्लो पुस्ताको तुलनामा एनपीयूमा ४० प्रतिशत, सीपीयूमा ३७ प्रतिशत र जीपीयूमा ३० प्रतिशत प्रदर्शन सुधार गरेको कम्पनीले जनाएको छ ।

क्रियटिभिटीका लागि विशेष

ग्यालेक्सी एस२५ सिरिजले उच्च रिजोलुसन सेन्सर र प्रोभिजुअल इन्जिनमार्फत कुनै पनि एंगलबाट विस्तृत र उत्कृष्ठ तस्बिर खिच्न मद्दत गर्ने कम्पनीको दाबी छ ।

फोनमा ५० मेगापिक्चल अल्ट्रावाइड क्यामेरा (अघिल्लो १२ एमपिबाट अपग्रेडेड) भएकोले १०–बिट एचडीआर रेकर्डिङले चार गुणा बढी रङ संरचना प्रस्तुत गर्छ ।

भिडियो बनाउँदा आउने अनावश्यक आवाज हटाउन ग्यालेक्सी एस२५ सिरिजमा अडियो इरेसर सुविधा पनि छ । 

मजबुत र टिकाउ डिजाइन

ग्यालेक्सी एस२५ अल्ट्रा अहिलेसम्मकै सबभन्दा पातलो, हलुका र बलियो ग्यालेक्सी एस सिरिजको स्मार्टफोन हो । यसमा टिकाउ टाइटेनियम र नयाँ कोर्निङ गोरिल्ला अर्मर २ समावेश गरिएको कम्पनीले जनाएको छ ।

फोनहरूको बाहिरी भागमा कम्तीमा एउटा पुनः प्रयोग गरिएको सामग्री राखिएको छ । फोनमा सात जेनेरेसनको ओएस अपग्रेड र सात वर्षको सुरक्षा अपडेट उपलब्ध हुने कम्पनीको भनाइ छ ।

प्रि–अर्डर अफर

ग्यालेक्सी एस२५ सिरिजको प्रि–अर्डर अफर १७ माघदेखि सुरु भएको छ । फागुन १ गतेसम्म यो अफर सामसङको आधिकारिक स्टोरमा उपलब्ध छ । 

प्रि–अर्डर गर्ने ग्राहकले ग्यालेक्सी एस२५ अल्ट्रा खरिद गर्दा १२/२५६ जीबीको मूल्यमा १२/५१२ जीबीको फोन प्राप्त गर्न सक्छन् । वा ३१ हजार ९९९ रुपैयाँ पर्ने ग्यालेक्सी बड्स३ प्रो १४ हजार ९९९ रुपैयाँमा प्राप्त गर्न सकिन्छ ।

यस्तै, तीन हजार ३९९ मूल्य पर्ने सिलिकन कभर पनि एक हजार ५०० मा प्राप्त गर्न सकिने कम्पनीले जनाएको छ ।
यो अफर ग्यालेक्सी एस२५+ र ग्यालेक्सी एस२५ बेस प्रि–अर्डर गर्दा पनि उपलब्ध छ ।

भेरियन्ट र मूल्य

ग्यालेक्सी एस२५ एस२५ अल्ट्राको १२ जीबी/५१२ जीबी र्‍याम र स्टोरेज क्षमताको फोनको मूल्य एक लाख ९९ हजार ९९९ रुपैयाँ छ । यसको १२ जीबी र्‍याम र २५६ जीबी स्टारेज रहेको भेरियन्टको मूल्य एक लाख ८४ लाख ९९९ रुपैयाँ छ । यो फोन टाइटेनियम सिल्भरब्लू, टाइटेनियम हवाइटसिल्भर, टाइटेनियम ब्लाक रङमा उपलब्ध छ ।

ग्यालेक्सी एस२५ प्लसको १२ जीबी र्याम र २५६ जीबी स्टोरेज रहेको फोनको मूल्य एक लाख एक लाख ४१ हजार ९९९ रुपैयाँ छ ।

ग्यालेक्सी एस २५ को १२ जीबी र्‍याम र २५६ जीबी स्टारेज रहेको भेरियन्टको मूल्य एक लाख १४ हजार ९९९ रुपैयाँ छ । १२ जीबी र्‍याम र १२८ जीबी स्टारेज रहेको भेरियन्टको मूल्य एक लाख चार हजार ९९९ रुपैयाँ छ । यो फोन आईसी ब्लू र सिल्भर श्याड़ो रङमा उपलब्ध छ ।

इन्स्योरेन्स सुविधा

सामसङले एनएलजी इन्स्योरेन्स कम्पनी लिमिटेडमार्फत एक पटकको एक वर्षको ब्रेकेज इन्स्योरेन्ससमेत उपलब्ध गराएको छ । यस्तै, ग्यालेक्सी एस२५ सिरिजमा अपग्रेड गर्न चाहने ग्राहकले सबकोफोन र आर्कोस्टोरमार्फत आफ्नो पुरानो फोन एक्सचेन्ज पनि गर्न सक्छन् ।

देशभरका आधिकारिक सामसङ स्टोरबाट सामसङ इनस्टा फाइनान्स सेवामार्फत ग्राहकले शून्य प्रतिशत ब्याजदरमा सरल ईएमआईबाट पनि फोन खरिद गर्न सक्छन् ।