काठमाडौं । मधेसकेन्द्रित दलले आठ सदस्यीय कार्यदल बनाएको छ । बिहीबार सिंहदरबारमा बसेको बैठकले कार्यदल बनाउने निर्णय गरेको जनता समाजवादी पार्टी (जसपा) नेपालका नेता मनिष सुमनले जानकारी दिए । 

कार्यदलमा जसपा, नेपालबाट मनिष सुमन, लोकतान्त्रिक समाजवादी पार्टी (लोसपा)बाट लक्ष्मणलाल कर्ण, जनमत पार्टीबाट शरदसिंह यादव, जनता समाजवादी पार्टी (जसपा)बाट इस्तियाक राई छन् ।

त्यस्तै, नागरिक उन्मुक्ति पार्टीबाट गंगाराम चौधरी, जनता प्रगतिशील पार्टीबाट शिवजी यादव, तराई मधेस लोकतान्त्रिक पार्टी (तमलोपा)बाट ब्रजेस सिंह, राष्ट्रिय मुक्ति पार्टीबाट केशव झा छन् । 

“कार्यदलले आठ दलको सहकार्य निर्माण गर्ने, आचारसंहिता निर्माण गर्ने, यसलाई झन् बलियो बनाउने आठ दलको संयोजन गर्न यो कार्यदल भोलिदेखि नै तत्पर हुनेछ,” सुमनले भने ।