काठमाडौं । राष्ट्रिय महिला लिगको दोस्रो चरणमा विभागीय टोली नेपाल पुलिस क्लबले सर्लाहीको वाग्मती युवा क्लबविरुद्ध २–० को जित निकालेको छ ।

मंगलबार सातदोबाटोस्थित एन्फा मुख्यालयमा भएको खेलमा पुलिसलाई जित दिलाउन कप्तान निरु थापा र पूजा रानाले गोल गरे । पुलिसले पहिलो र दोस्रो हाफमा समान एक गोल गरेको हो ।

खेलको नवौँ मिनेटमा नै निरुको गोलमा पुलिसले अग्रता बनाएको थियो । तर, मोफसलको क्लबविरुद्ध दोस्रो गोलका निम्ति भने पुलिसले ८२औँ मिनेट कुर्नुप¥यो । ८२औँ मिनेटमा पुलिसकी पूजा रानाले गोल गर्दै पुलिसको अग्रता दोब्बर बनाएकी थिइन् । यसपछि थप गोल नहुँदा पुलिसले तीन अंक पक्का गरेको हो ।

यसअघि लिगको पहिलो चरणमा पुलिस र वाग्मतीले गोलरहित बराबरी खेल्दै अंक बाँडेका थिए ।