काठमाडौं । काठमाडौंमा तास खेलिरहेको अवस्थामा प्रहरीले नौजनालाई पक्राउ गरेको छ । पक्राउ पर्नेमा टोखा नगरपालिका–९ मा बस्दै आएका गोरखाका ४९ वर्षीय खड्गबहादुर अधिकारीसहितका व्यक्तिहरू छन् ।

टोखा–१०, गोंगबु गणेशस्थानका मिहिर श्रेष्ठको घरमा जुवातास खेलिरहेको अवस्थामा सोमबार (हिजो) साँझ उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद ५० हजार रुपैयाँ, अमेरिकी डलर ७०० र चार बुक ताससहित उनीहरूलाई पक्राउ गरिएको प्रहरीले जनाएको छ ।