काठमाडौं । खराब मौसमका कारण तराई क्षेत्रका अधिकांश विमानस्थलमा उडान र अवतरण हुन नसक्दा त्रिभुवन अन्तर्राष्ट्रिय विमानस्थलमा चाप परेको छ ।

तराई क्षेत्रका विमानस्थलमा हुस्सु र तुवाँलोका कारण समयमै उडाउन नसकेपछि त्यसको असर त्रिभुवन अन्तर्राष्ट्रिय विमानस्थलमा परेको हो ।

यस्तै, काठमाडौंबाट भुटानको पारो विमानस्थलका लागि उडानको भुटान एयर अवतरण गर्न नसकेपछि पुनः काठमाडौं फर्किएको त्रिभुवन अन्तर्राष्ट्रिय विमानस्थलका महाप्रबन्धक जगन्नाथ निरौलाले जानकारी दिए ।