काठमाडौं । नेपाल प्रिमियर लिग (एनपीएल)मा पोखरा एभेन्जर्सविरुद्ध ब्याटिङ गरिरहेको चितवन राइनोजले पावर प्लेमा खराब सुरुआत गरेको छ । 

मंगलबार कीर्तिपुरस्थित त्रिवि क्रिकेट मैदानमा टस हारेर ब्याटिङमा आएको चितवनले ६ ओभरमा ५० रन बनाउँदा तीन विकेट गुमाएको छ । चितवनबाट हाल क्रिजमा रहेका कप्तान कुशल मल्ल १२ र रवि बोपारा चार रनमा खेलिरहेका छन् । 

प्रतियोगितामा चितवनको यो दोस्रो खेल हो । चितवनले यसअघि आफ्नो पहिलो खेलमा काठमाडौं गुर्खाजविरुद्ध पाँच विकेटको जित निकालेको थियो । पोखराको भने प्रतियोगिताको पहिलो खेल हो ।