काठमाडौं । नेपाल प्रिमियर लिग (एनपीएल)को इतिहासमा न्युजिल्यान्डका पूर्वओपनर ब्याटर मार्टिन गप्टिल पहिलो अर्धशतक बनाउने ब्याटर बनेका छन् । उनले जनकपुर बोल्ट्सविरुद्धको उद्घाटन खेलमै अर्धशतक बनाए ।

शनिबार कीर्तिपुरस्थित त्रिवि क्रिकेट मैदानमा टस हारेर ब्याटिङमा आएको विराटनगरबाट गप्टिलले ३६ बलमा सात चौका र एक छक्कासहित ५० रन पूरा गरे ।

४५ रनमा खेलिरहँदा गप्टिलले १३औँ ओभरको पहिलो बलमा जनकपुरका बेन माइकलाई छक्का प्रहार गर्दै अर्धशतक पुर्याएका थिए । यो प्रतियोगिताको पहिलो छक्कासमेत हो । 

आजको खेलमा जनकपुर अनिल साह र विराटनगर सन्दीप लामिछानेको कप्तानीमा मैदान उत्रिएको छ ।