काठामाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले जनताको अवस्था परिवर्तन गर्न नयाँ संकल्प आवश्यक रहेको बताएका छन् । बिहीबार कीर्तिपुरमा आयोजित चुनावीसभामा उनले नयाँ आन्दोलनका लागि थाक्न नुहने बताए । 

“नयाँ आन्दोलन आवश्यक छ । हामी थाक्न हुने स्थिति छैन, हामी थाकेको छैन । म थाकेको छैन । फेरि एउटा आन्दोलन गरेर जनताको सुशासन, सामाजिक न्याय र आर्थिक विकासको वातावरण बनाउन रातदिन देशभरि खटेको छु,” उनले भने । 

प्रचण्डले राज्य विचौलियाले चलाउने गरेको भन्दै आफू प्रधानमन्त्री बनेका बेला त्यसलाई भत्काउने कोसिस गरेको सुनाए । “राज्य केही विचौलियाहरूले चलाउने गरेका छन् । सेटिङ भत्काउन मैले डेढ वर्ष बल गरे,” उनले धितोपत्र बोर्डको अध्यक्ष नियुक्तिप्रति संकेत गर्दै भने, “जुन नियुक्ति रोक्न मैले १८ महिना लडाइँ लडे । हामीलाई हटाएपछि त्यही सेटिङमा गएको छ ।” 

उनले लोडसेडिङको अन्त्य गर्न उपयुक्त पात्र कुलमान घिसिङलाई ल्याएर लोडसेडिङ मुक्त गरेको बताए । “कुलमान घिसिङ नै योग्य व्यक्ति भनेर त्यतिबेला धेरैले भनेका थिए । कांग्रेसका ठूला नेताले त देशको सम्पति हो कुलमान घिसिङ, यो सम्पति बचाउनुपर्छ भन्थे । त्यो सन्दर्भमा विद्युत् प्राधिकरणको एमडी नियुक्त गरेँ नभन्दै लोडसेडिङ अन्त्य पनि भयो,” उनले भने । 

लोडसेडिङ गर्ने व्यक्तिमाथि नै सरकार प्रहारमा लागिरहेको उनको भनाइ छ । “विद्युत् प्राधिकरण अर्बौँ नाफामा छ । सरकारको ध्यान जसले लोडसेडिङ मुक्त ग¥यो अपमानित गर्ने कोसिसा गरिरहेको छ । जनताको सानो बिल तिर्नै पर्ने अर्र्बाैँ तिर्न नपर्ने गरिराखेको छ,” उनले भने ।