काठमाडौं । इन्डियन प्रिमियर लिग (आईपीएल)को आगामी तीन संस्करणका मिति सार्वजनिक भएको छ । आयोजकले बिहीबार आईपीएल २०२५, २०२६ र २०२७ संस्करणको मिति सार्वजनिक गरेको भारतीय सञ्चारमाध्यमहरूले जनाएका छन् ।

तालिकाअनुसार, आईपीएलको आगामी संस्करण मार्च १४ देखि सुरु हुने छ । जसको फाइनल खेल मे २५ मा हुने छ । यस्तै, २०२६ को संस्करण मार्च १५ देखि मे ३१ सम्म सञ्चालन हुने छ । सन् २०२७ को संस्करण पनि मार्च १४ देखि मे ३० सम्म सञ्चालन हुने छ । 

सन् २०२५ को संस्करणमा कुल ७४ खेल हुने छन् । यसअघि गएको संस्करणमा पनि ७४ खेल नै भएका थिए । तर, सन् २०२२ को संस्करणमा कुल ८४ खेल भएका थिए । 

सन् २००८ देखि सुरु भएको आईपीएलले हालसम्म सात फरक विजेता पाइसकेको छ । प्रतियोगितामा हालसम्म चेन्नाई सुपर किंग्स र मुम्बई इन्डियन्सले समान पाँचपटक उपाधि जितेका छन् । यस्तै, कोलकाता नाइट राइडर्सले तीनपटक जित्दा सनराइजर्स हैदराबाद, डेकेन चाजर्स, राजस्थान रोयल्स र गुजरात टाइटन्सले समान एकपटक आईपीएल उपाधि जितेका छन् ।

सन् २०२४ मा प्रतियोगिताको उपाधि कोलकाताले जितेको थियो ।