काठमाडौं । सिरियाको राजधानी दमस्कसनजिकै आइतबार साँझ इजरायली हवाई आक्रमणमा महिला र बालबालिकासहित सात सर्वसाधारणको मृत्यु भएको छ । २० जना घाइते भएका देशको रक्षा मन्त्रालयले जनाएको छ ।

मन्त्रालयका अनुसार, साँझ करिब ५ बजे (स्थानीय समय) इजरायलले आक्रमण गरेको थियो । आक्रमण दमस्कसको ग्रामीण इलाकामा सय्यदाह जायनाब क्षेत्रस्थित आवासीय भवनलक्षित थियो ।

आक्रमणबाट निजी सम्पत्तिमा पनि ठूलो क्षति पुगेको छ । सिरियन अब्जर्भेटरी फर ह्युमन राइट्स, बेलायतमा रहेको युद्ध पर्यवेक्षकले यसअघि उक्त क्षेत्रमा लेबनानी नागरिक र हिजबुल्लाह सदस्य बसोबास गर्ने आवासीय भवनको फ्ल्याटमा आक्रमण भएको रिपोर्ट गरेको थियो ।

सिरियाको राजधानीको दक्षिणमा अवस्थित सय्यदाह जायनाब एक प्रमुख शिया तीर्थस्थलको घर हो । त्यो विगतमा इजरायली आक्रमणको निसाना बनिसकेको थियो । सिन्ह्वा/न्युज एजेन्सी नेपाल