काठमाडौं । काभ्रेको पनौती नगरपालिकालाई बालश्रममुक्त घोषणा गरिएको छ । राष्ट्रिय बाल दिवसका अवसरमा शनिबार पनौतीमा आयोजित कार्यक्रमबीच वाग्मती प्रदेशका मुख्यमन्त्री बहादुरसिं लामा तामाङले ‘बालश्रममुक्त नगरपालिका’ घोषणा गर्दै प्रमाणपत्र प्रदान गरेका हुन् ।

कार्यक्रममा मुख्यमन्त्री लामाले बालअधिकार संरक्षण गर्न वाग्मती प्रदेश सरकार प्रतिबद्ध रहेको बताए ।

वाग्मती प्रदेशसभा सदस्य तीर्थ लामाले पनौतीलाई बालश्रममुक्त नगर घोषणा गरिएकोमा शुभकामना व्यक्त गरे । यसको दिगोपनाका निम्ति निरन्तर कार्यक्रम गर्न उनले आग्रह गरे ।

नगरपालिकाले यसअघि कार्यक्रम सञ्चालन गरेर १२ वडालाई विभिन्न मितिमा बालश्रममुक्त घोषणा गरिएको थियो । त्यसपश्चात् बालश्रममुक्त नगरपालिका घोषणा गरिएको पनौती नगरप्रमुख रामशरण भण्डारीले बताए । हिमालयन टेली भ्वाइस