काठमाडौं । नेपालमा जारी साफ यू–२० च्याम्पियनसिपको दोस्रो सेमिफाइनलमा आज भारत र बंगलादेश भिड्दै छन् ।

प्रतियोगितामा भारत अपराजित छ । भारत समूह ‘बी’को विजेताका रूपमा सेमिफाइनलमा आएको हो । भारतले समूह चरणमा भुटान र माल्दिभ्सविरुद्ध समान १–० को जित निकालेको थियो ।

बंगलादेश भने समूह ‘ए’को उपविजेताका रूपमा सेमिफाइनलमा आएको हो । बंगलादेशले समूह चरणमा श्रीलंकालाई २–० ले हराएको थियो । नेपालसँग बंगलादेशले २–१ को हार व्यहोरेको थियो ।

सातदोबाटोस्थित एन्फा मुख्यालयमा दिउँसो ३ बजे खेल सुरु हुनेछ । आज विजयी हुने टिमले उपाधिका निम्ति नेपालसँग खेल्नेछ ।

आइतबार पहिलो सेमिफाइनलमा भुटानविरुद्ध पेनाल्टी सुटआउटमा ४–१ को जित निकाल्दै नेपालले फाइनलमा स्थान बनाइसकेको छ ।