काठमाडौं । काभा वुमन्स भलिबल नेसन्स लिगमा नेपालले आज इरानसँग प्रतिस्पर्धा गर्दै छ । खेल त्रिपुरेश्वरस्थित राखेपको कभर्डहलमा नेपाली समयअनुसार साँझ सवा ५ बजे सुरु हुनेछ । 

शनिबार भारतमाथि जित निकालेको नेपाल उच्च मनोबलका साथ इरानसँग प्रतिस्पर्धा गर्नेछ । यसअघि नेपालले श्रीलंकालाई सोझो सेटमा पराजित गरेको थियो भने भारतसँग ३–२ को सेटमा विजयी भएको हो । इरान भने भारतसँग पराजित भएको थियो भने माल्दिभ्सँग विजयी भएको छ ।