देश
![बेनी–जोमसोम सडक अवरुद्ध](https://12khari.top/uploads/posts/beni-jomsom-sadak-abaruddha1-1721964609.jpg)
म्याग्दी । म्याग्दीको रघुगंगा गाउँपालिका–२, सिरुबारीमा खसेको पहिरोले बेनी–जोमसोम सडक अवरुद्ध भएको छ । शुक्रबार बिहान ठूलो ढुंगासहित खसेको पहिरोका कारण सडक अवरुद्ध भएको हो ।
बेनी–जोमसोम–कोरला सडक आयोजनाका सबइन्जिनियर सोहनजंग कार्कीले सडकमा खसेको ढुंगा फुटाउन ‘ब्रेकर’सहितको डोजर पठाउन लागिएको जानकारी दिए । “लोडरले पहिरो र ब्रेकरले ढुंगा फुटाउने तयारी गरेका छौँ,” आजै सडक खोल्ने लक्ष्यका साथ काम गरिने उल्लेख गर्दै उनले भने ।
स्तरोन्नतिका क्रममा रहेको बेनी–जोमसोम–कोरला सडक आयोजनाका निर्माण व्यवसायी, सडक विभागका उपकरण, प्राविधिक र मजदुर पहिरो पन्छाउन परिचालन गरिएको छ । रासस
प्रकाशित मिति: शुक्रबार, साउन ११, २०८१ ०९:१५
प्रतिक्रिया दिनुहोस्