काठमाडौं । काठमाडौंबाट पोखरातर्फ जान लागेको सौर्य एयरको जहाज बुधबार बिहान काठमाडौंस्थित त्रिभुवन अन्तर्राष्ट्रिय विमानस्थलमा दुर्घटनामा परेको छ ।  दुर्घटनामा परेर १८ जनाको मृत्यु भएको नेपाल नागरिक उड्ययन प्राधिकरणले जनाएको छ ।

प्राधिकरणका अनुसार जहाज उड्नेबित्तिकै दाहिनेतिर मोडिन गइ रन वेको पूर्वतिर रहेको स्थानमा दुर्घटनामा परेको थियो । दुर्घटनामा परेको जहाजका चालकको भने सकुसल उद्धार गरी उपचारका लागि अस्पताल पठाइएको छ ।