काठमाडौं । ६० किलो सुन तस्करी प्रकरणमा ६० जनालाई प्रतिवादी बनाएर मुद्दा दायर भएको छ । प्रहरी प्रतिवेदनका आधारमा जिल्ला सरकारी वकिल कार्यालय काठमाडौंले उनीहरूलाई प्रतिवादी बनाएर काठमाडौं जिल्ला अदालतमा दोस्रो मुद्दा दायर गरेको हो । 

नेपाल प्रहरीको केन्द्रीय अनुसन्धान ब्युरो (सीआईबी)ले गरेको अनुसन्धानको आधारमा सरकारी वकिलको कार्यालयले दुई डिजिटल भुक्तानी सेवा प्रदायक कम्पनीलाई समेत प्रतिवादी बनाएर मुद्दा दायर गरेको छ ।

दायर मुद्दामा डमी कम्पनीका नाममा पैठारी भई आएका माल वस्तुहरूको परीक्षण गर्दा ती माल वस्तुहरूको पार्ट पुर्जामा भएको सुनको तौल तीन हजार १९४.६६८ केजी भएको अभियोग पत्रमा उल्लेख छ । त्यसरी बरामद भएको अवैध सुनको मूल्य ३० अर्ब ८४ करोड १२ लाख २६ हजार ४४० हुने भन्दै बिगो दाबी गरिएको छ ।