देश
![उदयपुरमा भारी वर्षा, सतर्कता अपनाउन आग्रह](https://12khari.top/uploads/posts/bhaisi-lai-nadi-tardai-1716015372.jpg)
![Global Ime bank](https://baahrakhari.com/uploads/bigyaapan/30885600.gif)
काठमाडौं । उदयपुरमा शुक्रबार बिहान भारी वर्षा भएको छ । पछिल्लो तीन घण्टामा उदयपुरको सुन्दरपुर वर्षा मापन केन्द्र र आसपास भारी वर्षा मापन गरिएको जल तथा मौसम विज्ञान विभागले जानकारी गराएको छ ।
उक्त क्षेत्र भएर बहने त्रियुगा खोलालगायत नदीमा बहाव बढ्नेछ । नदीतटीय क्षेत्र र डुबान भइरहने होचा भूभागमा रहनेले सतर्कता अपनाउन विभागले सचेत गराएको छ ।
“असार १४, बिहान १० बजे । पछिल्लो तीन घण्टामा उदयपुरको सुन्दरपुर वर्षा मापन केन्द्र र आसपास भारी वर्षा मापन भएको छ । सो क्षेत्र भई बहने त्रियुगा खोलालगायत स–साना नदीहरूको बहाव बढ्ने हुँदा तटीय क्षेत्र र डुबान भइरहने होचा भू–भागहरूमा रहनुहुनेहरू सतर्कता अपनाऔँ,” विभागको सूचनामा उल्लेख छ ।
प्रकाशित मिति: शुक्रबार, असार १४, २०८१ १०:५४
प्रतिक्रिया दिनुहोस्