आईसीसी ट्वान्टी–२० विश्वकपअन्तर्गत वर्षाका कारण रोकिएको भारत र इंग्ल्यान्डबीचको खेल पुन: सुरु भएको छ ।

बिहीबार गुयनामा जारी खेलमा टस हारेर ब्याटिङमा आएको भारतले आठ ओभरमा दुई विकेट गुमाएर ६५ रन बनाउँदा पानी परेपछि खेल रोकिएको थियो । खेल करिब डेढ घण्टापछि सुरु भएको हो ।

त्यअसघि टसअघि पनि नेपाली समयअनुसार राति ८ः१५ बजेदेखि सुरु हुने तालिका रहेको खेल वर्षाका कारण मैदान ओसिलो हुँदा करिब एक घण्टा प्रभावित बनेको थियो । 

जारी खेलको नौ ओभर समाप्त हुँदा भारतले दुई विकेट गुमाएर ६९ रन बनाएको छ । भारतले ओपनर विराट कोहलीलाई नौ र ऋषव पन्तलाई चार रनमा गुमाएको थियो ।

प्रतियोगितामा भारत सुपर–८ बाट समूह–१ को विजेता र इंग्ल्यान्ड समूह–२ को उपविजेताको रूपमा सेमिफाइनल आएका हुन् । आजको खेलमा जित निकाल्ने टिमले उपाधिका निम्ति दक्षिण अफ्रिकाविरुद्ध खेल्नेछ ।

यसअघि दक्षिण अफ्रिकाले पहिलो सेमिफाइनलमा अफगानिस्तानविरुद्ध नौ विकेटको जित निकाल्दै फाइनलमा स्थान बनाएको थियो ।