लन्डन । प्रि–रेकर्डेड भिडियोमा जुलियन असान्जकी पत्नी स्टेल्ला बेलायतको बेलमार्स जेलबाहिर विकिलिक्सका प्रधानसम्पादक क्रिस्टिन ह्राफसनका साथ देखिएकी छन् । 

उनीहरूले नै पहिला जुलियन मुक्त भएको ‘कन्फर्म’ गरेका थिए । उनीहरूले समर्थकहरूलाई धन्यवाद भनेका थिए । स्टेल्लाले अवस्था धेरै चाँडो परिवर्तन भएको बताएकी थिइन् । “यदि कुरा राम्रै भयो भने जुलियन विमानमा हुनेछन् । उनी मुक्त हुनेछन्” उनको भनाइ थियो । 

बाबुआमाले के भने ?
आमा क्रिस्टिन असान्जले आफनो छोराको लामो समयसम्मको जेल जीवन निष्कर्षमा पुगेकोमा कृतज्ञता व्यक्त गरेकी छन् । “म आभारी छु, मेरो छोराको अग्निपरीक्षाको अन्त्य भएको छ । यसले शान्त कूटनीतिको शक्तिको महत्त्व देखाएको छ” अष्ट्रेलियाको नेसनल ब्रोडकास्टरमा प्रसारित उनको वक्तव्यमा उल्लेख छ । 

असान्जका पिता जोहन सिपटनले अष्ट्रेलिया सरकारलाई आफ्ना छोराको रिहाइका लागि गरेको पहललाई लिएर धन्यवाद दिएका छन् । उनले समर्थकहरूलाई धन्यवाद र बधाई दिएका छन् । पत्नी स्टेलाले पनि एक्समार्फत सबैलाई धन्यवाद दिएकी छन् । बीबीसी

कता उडे असान्ज ? संसारभरिबाट ‘ट्रयाकिङ’

विकिलिक्सका प्रमुख जुलियन असान्ज जेलमुक्त, अमेरिकी प्रशासनसँग सहमति

अस्ट्रेलियाका प्रधानमन्त्रीले भने– असान्जलाई कारावासमा राखेर प्राप्ति केही थिएन