काठमाडौं । सरकारले दक्षिण कोरियाका निम्ति राजदूत सिफारिस गरेका अधिकारकर्मी सुशील प्याकुरेल ‘असन्तुष्ट’ देखिएका छन् । उनी उक्त पदको नियुक्ति सिफारिसमा असन्तुष्ट रहेको स्रोतको भनाइ छ ।

त्यसबारे बाह्रखरीको जिज्ञासामा उनले आफू तत्काल केही नबोल्ने बताए । “म बोल्ने बेला भएपछि बोल्छु । दुई/चार घण्टा त पर्खिदिनुस् । म अहिले ‘कन्सल्टेसन’कै क्रममा छु,” उनले भने ।

गएको शुक्रबार बसेको मन्त्रिपरिषद्को बैठकबाट प्याकुरेलसहित विभिन्न आठ देशमा राजदूत नियुक्तिका निम्ति नाम सिफारिस गरिएको थियो ।