site stats
बाह्रखरी :: Baahrakhari
राजनीति
Global Ime bankGlobal Ime bank
ओलीले दोहोर्‍याउँदै भने– रामको जन्मभूमि माडी नै हो  

काठमाडौं । नेकपा (एमाले)का अध्यक्ष केपी शर्मा ओलीले भगवान रामको जन्मभूमि चितवनको माडी नै रहेको दाबी गरेका छन् । चितवनको अधिवेशनबाट निर्वाचित पार्टी पदाधिकारीको शपथग्रहण कार्यक्रममा उनले शास्त्रहरूले रामको जन्म माडीमा नै भएको देखाउने दाबी गरे । 

“शास्त्रले भनेका प्रमाण, रामायणले भनेका प्रमाणहरू । वाल्मिकीले आफैँले लेखेको प्रमाणहरू सबै कुराले त्यो देखाउँछ,” ओलीले भने, “अयोध्यापुरी रामको जन्मभूमि यहीँ हो भन्ने पुष्टि हुन्छ ।”

शास्त्रले देखाइरहेकोतिर पण्डितहरूलाई पढ्न गाह्रो भइराखेको उनले आरोप लगाए । ओलीले यस विषयमा आफूले राजनीति गर्न नखोजेको पनि बताए । 

“मैले राजनीति गर्न खोजेको होइन । राजनीतिसँग सरोकार होइन । हाम्रो सभ्यता, संस्कृति परम्परा, सनातनसँग जोडिएको विषय हो,” ओलीले भने ।

यसअघि आफू प्रधानमन्त्री भएका बेला पनि ओलीले रामको जन्मभूमि माडी नै भएको बताएका थिए । 
 

प्रकाशित मिति: शुक्रबार, जेठ २५, २०८१  १७:१४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro