टोक्यो । जापान सरकारले टोयोटा मोटर्समाथि गलत विवरणको विषयलाई लिएर अनुसन्धान थालेको छ । जापानको यातायात मन्त्रालयले टोयोटा मोटर्सको मुख्यालयमा मंगलबार अनसाइट अनुसन्धान थालेको छ । सो कम्पनीको केही मोडेलको प्रमाणित गर्न दिएको निवेदनको आधारमा मन्त्रालयले अनुसन्धान थालेको जनाइएको छ ।

जापानको यातायात मन्त्रालयले एक दिनअघि मात्र यसखालको अनुसन्धानको घोषणा गरेको हो । उसका अनुसार टोयोटा, माज्दा, होण्डा, सुजुकी र यामाहा मोटर्सले गलत वा  बढाइचढाइ गरिएका डेटा भेइकलको सर्टिफिकेसनका लागि गरिएको निवेदनका आधारमा अनुसन्धान गरेको जनाइएको छ । 

टोयोटाका अध्यक्ष तथा सो कम्पनीका संस्थापकका नाती अकिओ टोयोडाले यसबारेमा सेयरहोल्डर्ससँग माफी मागेका छन् । कारका शुभचिन्तक तथा सेयरहोल्डर्सले सोमबार यसबारेमा एक पत्रकार सम्मेलन गरेको रोयटर्सले जनाएको छ । 

द जापान टाइम्सका अनुसार टोयोटा समेत अन्य जापानका चार अटो मेकर्सरले टेस्टिङ डेटा गलत वा टेस्टिङ अनुपयुक्त ढंगको अवस्थामा भएको भन्ने हो । त्यसमा गलत तथ्यांक पेस गर्ने, इन्जिन कन्ट्रोल सफ्टवेयरको पुनर्लेखन, टेस्ट रिपोर्टमा गलत इन्ट्री, अनुपयुक्त अवस्थामा टेस्ट गराउनेलगायत रहेका जनाइएको छ । एजेन्सी