काठमाडौं । नेपालमा फ्रान्सेली ब्रान्ड सिट्रोनको विद्युतीय गाडी (ईभी) सिट्रोन ई–सी३ साइन सार्वजनिक भएको छ । नेपालका लागि सिट्रोनको आधिकारिक वितरक सांग्रिला मोटर्सले यो प्रिमियम मोडल औपचारिक रूपमा सार्वजनिक गरेको हो ।

कम्पनीका अनुसार सिट्रोन ई–सी३ साइनमा उत्कृष्ट ड्राइभिङ अनुभवका लागि अगाडि र पछाडि स्किड प्लेट, रियर क्यामेरा, रियर वाइपर, रियर डिफ्रोस्टर, लेदर ¥याप्ड स्टेयरिङ ह्वील, एलोय ह्वील र इलेक्ट्रिकल ओआरभीएम जस्ता फिचर छन् ।

यसको सुरुआती मूल्य ३५ लाख ९९ हजार रुपैयाँ रहेको कम्पनीले जनाएको छ । सांग्रिला मोटर्सले गाडीको ब्याट्रीको दिगो व्यवस्थापनका लागि भारतको सबैभन्दा ठूलो लिथियम–आयन ब्याट्री लाइफ साइकल म्यानेजमेन्ट कम्पनी लोहमक्लिनटेक प्राइभेट लिमिटेडसँग साझेदारी गरेको बताएको छ ।

गाडीलाई डीसी फास्ट चार्जरबाट ५७ मिनेटमै १० देखि ८० प्रतिशत चार्ज गर्न सकिने कम्पनीले जनाएको छ । गाडीमा २९.२ किलोवाट आवरको ब्याट्री रहेको छ भने मोटर पावर ५७ पीएस छ ।