काठमाडौं । लागुऔषध खैरो हेरोइनसहित प्रहरीले दुईजनालाई पक्राउ गरेको छ । पक्राउ पर्नेमा झापाको दमककी ३६ वर्षीया सपना भुजेल र सोही ठाउँका कुमार भुजेल छन् ।

काठमाडौं प्रहरीको विशेष टोलीले उनीहरूलाई आइतबार (आज) कोटेश्वरबाट पक्राउ गरेको हो । उनीहरूका साथबाट खैरो हेरोइन ३० ग्राम, डिजिटल तराजु र ५० हजार रुपैयाँ नगद समेत बरामद गरिएको जिल्ला प्रहरी परिसर काठमाडौंका एसपी नवराज अधिकारीले जानकारी दिए ।

पक्राउ परेकामाथि थप अनुसन्धान जारी रहेको प्रहरीले जनाएको छ ।