पोखरा । उच्च अदालत पोखराले तनहुँको व्यास नगरपालिकामा पुन: मतगणना गरिनुपर्ने भन्दै दिपकराज जोशीले दायर गरेको रिटमा दाबी पुग्ने फैसला गरेको छ ।

निर्वाचन भएको दुई वर्षपछि उच्च अदालतले जोशीको पक्षमा फैसला गरेको हो । उच्चका न्यायाधीश राजनप्रसाद भट्टराई र निर्मला पौडेल भट्टराईको इजलासले जोशीको रिटमा दाबी पुग्ने फैसला गरेको हो ।

२०७९ वैशाखमा भएको निर्वाचनमा नगरपालिका प्रमुखमा स्वतन्त्र उमेदवारी दिएर पराजित भएका जोशीले पुनः मतगणनाको माग गर्दै उच्च उदालत पोखरामा मुद्दा दायर गरेका थिए ।

कांग्रेसका वैकुण्ठनाथ न्यौपाने २५२ मतान्तरले विजयी भएका थिए । न्यौपानेले १२ हजार ७८ पाउँदा जोशीले ११ हजार ८२६ मत पाएका थिए ।

अदालतको फैसलापछि बोल्दै जोशीले आदेशको विस्तृत जानकारी बुधबार पाइने बताए ।