काठमाडौं । काठमाडौं महानगरपालिकाले महानगरभित्र रहेका कवाडी गोदाम हटाउने कार्यलाई तीव्रता दिएको छ । बस्तीका बीचमा रहेका कवाडी गोदामका कारण जोखिम उत्पन्न भएको भन्दै महानगरले त्यसलाई हटाउने कार्यलाई तीव्रता दिएको हो ।

यसैक्रममा बिहीबार अनामनगरस्थित कवाडी गोदाम जनप्रतिनिधि र महानगर प्रहरी बलद्वारा हटाइएको छ । महानगर प्रहरीले डोजर प्रयोग गरेर कवाडी गोदाम भत्काएको हो ।

गोदाम खाली गर्न पटक–पटक सूचना जारी गर्दा पनि अटेर गरेकाले डोजर प्रयोग गरेर हटाउनुपरेको महानगर प्रहरीले जनाएको छ ।

कवाडी व्यवसायीले भने तीन दिनअघि मात्र सूचना पाएको र हटाउने तयारी गरिरहेको अवस्थामा एक्कासि डोजर लगाइएको गुनासो गरेका छन् । हिमालयन टेली भ्वाइस