काठमाडौ । इन्डियन प्रिमियर लिग (आईपीएल)मा सनराइजर्स हैदराबादले पाँचौँ जित निकाल्ने क्रममा दिल्ली क्यापिटल्सविरुद्ध ६७ रनको जित निकालेको छ ।
शनिबार अरुन जेट्ली रंगशालामा भएको खेलमा हैदराबादले प्रस्तुत गरेको २६७ रनको लक्ष्य पछ्याउने क्रममा दिल्लीले १९.१ ओभरमा सबै विकेट गुमाएर १९९ रन मात्र बनाउन सक्यो ।
दिल्लीका ज्याक फ्रासेसले १८ बलमा ६५ रन बनाए पनि टिमको हार टार्न सकेनन् । अभिषेक पोरेलले २२ बलमा ४२ रन बनाए । कप्तान ऋषभ पन्तले ४४ रनको योगदान गरे । पृथ्वी सले १६ र ट्रिस्टान स्टुबले १० रन थपे ।
हैदराबादका कप्तान प्याट कुमिन्सले चार विकेट लिए । मयंक मार्कन्डेले र नितिन कुमार रेड्डीले समान दुई विकेट लिए । वासिङ्टन सुन्दर र भुवनेश्वर कुमारले एक–एक विकेट हात पारे ।
त्यसअघि टस हारेर ब्याटिङमा आएको हैदराबादले निर्धारित २० ओभरमा सात विकेट गुमाएर २६६ रनको योगफल खडा गरेको थियो ।
हैदराबादका ओपनर ट्राभिस हेडले ३२ बलमा ११ चौका र ६ छक्कासहित ८९ रन बनाएका थिए । अभिषेक शर्माले १२ बलमा ४६ रन बनाए । पहिलो विकेटको लागि यी दुईले १३१ रनको साझेदारी गर्दै हैदराबादलाई उत्कृष्ट सुरुआत दिलाएका थिए ।
यस्तै, शहबाज अहमेदले ५९ रन बनाए । नितिश कुमार रेडीले ३७ र हेनरिक क्लासेनले १५ रनको योगदान गरे ।
दिल्लीका कुलदीप यादवले चार विकेट लिए । यस्तै, मुकेश कुमार र अक्षर पटेलले समान एक विकेट हात पारे ।
जितसँगै हैदराबाद सात खेलबाट दश अंकसहित दोस्रो स्थानमा उक्लिएको छ । आठ खेलबाट ६ अंकसहित दिल्ली सातौँ स्थानमा छ ।
