![आवास संकट समाधान गर्ने योजनामा क्यानाडा](https://12khari.top/uploads/posts/afmg-1713024382.jpg)
ओटावा । क्यानाडा सरकारले राष्ट्रिय आवास संकट समाधान गर्न आफ्नो नयाँ दृष्टिकोणसहितको योजनाको घोषणा गरेको छ ।
यस योजनाले क्यानडा ‘मोर्टगेज एन्ड हाउजिङ कर्पोरेसन’को प्रक्षेपणमा सन् २०३१ सम्ममा ३८ लाख ७० घर आवासका निम्ति तयार गर्ने महत्त्वाकांक्षी रणनीति तय गरेको छ । यो योजनामा २० लाख नयाँ घर निर्माण गर्ने लक्ष्य समावेश छ ।
सरकारले सन् २०२३ र सन् २०२४ मा लिइएको उद्देश्यअनुरूप १२ लाख नयाँ घर निर्माणमा सहयोग गर्ने र २०३१ सम्ममा कम्तीमा आठ लाख थप घर निर्माण गर्ने प्रधानमन्त्री कार्यालयले जारी गरेको विज्ञप्तिमा उल्लेख छ ।
नयाँ योजनाअनुसार आवासलाई किफायती बनाउने प्रतिबद्धता गरिएको छ । यसले कुनै पनि कडा परिश्रम गर्ने क्यानाडालीले आफ्नो आम्दानीको ३० प्रतिशतभन्दा बढी आवास खर्चमा खर्च गर्नु पर्दैन ।
“कुनै पनि नागरिकले बस्नको लागि सुरक्षित ठाउँ छैन भन्ने चिन्ता गर्नुपर्ने अवस्था आउनु ठिक होइन,” विज्ञप्तिमा उल्लेख छ ।
क्यानाडालीले नागरिकमा अहिले सबैभन्दा ठूलो तनाव आवासको रहेको र परिवारलाई बस्नका निम्ति राम्रो ठाउँ पाउन गाह्रो भइरहेको छ । घरहरू बनाउन उच्च लागत रहेको र परियोजना पूरा गर्न धेरै लामो समय लाग्ने अधिकारीहरूले बताएका छन् । रासस/सिन्ह्वा