काठमाडौं । सर्वाेत्तम सिमेन्टले सेयरधनीलाई १५ प्रतिशत लाभांश दिने घोषणा गरेको छ । मंगलबार बसेको सञ्चालन समितिको बैठकले आर्थिक वर्ष २०७९/०८० सम्मको मुनाफाबाट कर प्रयोजनसहित हाल कायम चुक्तापुँजीको १५ प्रतिशत नगद लाभांश दिने प्रस्ताव गरेको हो ।

हाल कम्पनीको चुक्तापुँजी चार अर्ब ६५ करोड रुपैयाँ छ । कम्पनीले ६९ करोड ७५ लाख रुपैयाँ नगद लाभांश वितरण गर्न लागेको हो । कम्पनीले प्रस्ताव गरेको लाभांश आगामी वार्षिक साधारणसभाले पारित गरेपछि सेयरधनीले प्राप्त गर्नेछन् । कम्पनीले आगामी वैशाख १२ गते साधारणसभा गर्ने निर्णय पनि गरेको छ ।

चैत ३० गते एक दिन कम्पनीले बुक क्लोज गरेको छ । यही आधारमा चैत २९ गते बिहीबारसम्म कायम सेयरधनीले साधारणसभामा भाग लिन र लाभांश लिन योग्य हुनेछन् ।