देश
![ढोलाहिटी हत्या प्रकरणका पाँचौँ आरोपित राजु गुरुङले गरे आत्मसमर्पण](https://12khari.top/uploads/posts/Dholahiti-Murder-1712057314.jpg)
काठमाडौं । ललितपुरको ढोलाहिटी हत्या घटनाका पाँचौँ आरोपित राजु गुरुङले आत्मसमर्पण गरेका छन् ।
चैत गते फागुपूर्णिमाको राति ललितपुर महानगरपालिका–२६ स्थित ढोलाहिटीमा पाँचथरको मिक्लाजुङ गाउँपालिका–६ का २७ वर्षीय पुजन राई र सुनसरीको धरान उपमहानगरपलिका–१३ का २८ वर्षीय रेवश राईको हत्या भएको थियो ।
हत्यामा संलग्न भएको आरोपमा खोटाङको साकेला गाउँपालिकाका ३१ वर्षीय विजय राईसहित चारजना सोही दिन राति पक्राउ परेका थिए । राजु फरार थिए ।
तेह्रथुमका राजुले जिल्ला प्रहरी कार्यालय ललितपुर पुगेर मंगलबार आत्मसमर्पण गरेको ललितपुरका एसपी नरेश सुवेदीले जानकारी दिए ।
प्रकाशित मिति: मंगलबार, चैत २०, २०८० १७:१४
प्रतिक्रिया दिनुहोस्