काठमाडौं । उपप्रधान एवं परराष्ट्रमन्त्री नारायणकाजी श्रेष्ठ आइतबार (आज) राति चीन जाँदै छन् । चीनका विदेशमन्त्री वाङ यीको निमन्त्रणामा परराष्ट्रमन्त्री श्रेष्ठ नौ दिनका निम्ति त्यसतर्फ जान लागेका हुन् ।

उनले चैत ११ देखि १९ गतेसम्म चीनको भ्रमण गर्ने परराष्ट्र मन्त्रालयले जानकारी गराएको छ ।

मंगलबार परराष्ट्रमन्त्री श्रेष्ठ र चीनका विदेशमन्त्री वाङबीच द्विपक्षीय वार्ता हुनेछ । वार्तामा नेपाल–चीन सम्बन्धका सबै आयाममा छलफल हुने जनाइएको छ ।

भ्रमणका बेला बेइजिङमा चिनियाँ कम्युनस्टि पार्टीका उच्च अधिकारीसँग पनि उनको भेटवार्ता हुने परराष्ट्र मन्त्रालयले जनाएको छ ।