site stats
बाह्रखरी :: Baahrakhari
राजनीति
Global Ime bankGlobal Ime bank
Nabil Bank Banner adNabil Bank Banner ad
परराष्ट्रमन्त्री श्रेष्ठ चैत ११ गते चीन जाँदै, मानसरोवर पनि पुग्ने
फाइल तस्बिर ।

काठमाडौं । उपप्रधान तथा परराष्ट्रमन्त्री नारायणकाजी श्रेष्ठ चीन भ्रमणमा जाने भएका छन् । परराष्ट्र मन्त्रालय स्रोतकाअनुसार उनी चैत ११ गते चीन प्रस्थान गर्ने कार्यक्रम तय भएको छ ।

चिनियाँ विदेशमन्त्री वाङ यीको निमन्त्रणामा उनी चीन जान लागेका हुन् । परराष्ट्रमन्त्री पाँच दिनका लागि चीन जान लागेको स्रोतको दाबी छ । यो सद्भाव भ्रमण हुने स्रोतले बतायो ।

स्रोतका अनुसार चीन भ्रमणका क्रममा परराष्ट्रमन्त्री श्रेष्ठले मानसरोवर पनि जाने तयारी गरेका छन् ।

हालसम्म विदेशमन्त्री वाङसँग द्विपक्षीय भेटवार्ता हुने र बेल्ट एन्ड रोड इनिसियटिभ्स (बीआरआई) अन्तर्गत सञ्चालन गर्ने आयोजनाका सम्बन्धमा छलफल हुने तय भएको छ । 

“चिनियाँ राष्ट्रपतिसँग शिष्टाचार भेटवार्ता हुने वा नहुने भन्ने तय भइसकेको छैन,” स्रोतले भन्यो ।

परराष्ट्र मन्त्रालयका प्रवक्ता अमृत राईले पनि परराष्ट्रमन्त्रीको चीन भ्रमण छिट्टै हुने बताए । तर, मिति र एजेन्डाका विषयमा आफूलाई जानकारी नभएको उनले जनाए ।

NIBLNIBL
प्रकाशित मिति: बुधबार, चैत ७, २०८०  १८:१९
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro