काठमाडौं । साताको तेस्रो कारोबार दिन सेयर बजारमापक नेप्से परिसूचक घटेको छ । मंगलबार ६.२४ अंकले घटेर २०६७.२९ को विन्दुमा झरेको छ । 

आज ३०७ कम्पनीको ९४ लाख ७८ हजार ९३३ कित्ता सेयर तीन अर्ब ६३ करोड ३९ लाख ३६ हजार ५५४ रुपैयाँमा किनबेच भएको छ । १३ उपसमूहमध्ये तीन वटाको मात्र समूहगत सूचक बढेको छ । बाँकी १० वटाको घटेको नेपाल स्टक एक्सचेन्जले जनाएको छ ।

बुद्धभूमि नेपाल हाइड्रोपावर कम्पनी र सर्वाेत्तम सिमेन्टको सेयर मूल्य सर्वाधिक १० प्रतिशतले बढेर सकारात्मक सर्किट लागेको छ । सिद्धार्थ इन्भेसमेन्ट ग्रोथ स्केम–२ को सेयर मूल्य सर्वाधिक ७.०८ प्रतिशतले घटेको छ ।