काठमाडौं । नेपालमा लागि चिनियाँ राजदूत चेन सोङले नवनियुक्त उपप्रधान तथा परराष्ट्रमन्त्री नारायणकाजी श्रेष्ठसँग शिष्टाचार भेट गरेका छन् । भेटवार्ता बिहीबार दिउँसो सिंहदरबारस्थित परराष्ट्र मन्त्रालयमा भएको थियो । 

प्रधानमन्त्री पुष्पकमल दाहाल ‘प्रचण्ड’ले श्रेष्ठलाई परराष्ट्र मन्त्रालयको जिम्मेवारी दिएको भोलिपल्ट चिनियाँ राजदूत उनलाई भेट्न गएका हुन् । 

भेटमा चिनियाँ राजदूतले परराष्ट्र मन्त्रीको जिम्मेवारी पाएकोमा श्रेष्ठलाई बधाई तथा शुभकामना दिएका थिए । परराष्ट्रमन्त्री श्रेष्ठ र राजदूत सोङबीचको भेटवार्तामा नेपाल–चीन द्विपक्षीय हितका विषयमा छलफल भएको थियो । 

परराष्ट्रमन्त्री श्रेष्ठसँग बिहीबार नै नेपालका लागि भारतीय राजदूत नवीन श्रीवास्तवले शिष्टाचार भेटवार्ता गरेका थिए ।