काठमाडौं । नवनियुक्त संकृति, पर्यटन तथा नागरिक उड्डयनमन्त्री हितबहादुर तामाङले आफूले 'स्टन्ट' नगर्ने बताएका छन् ।
बुधबार साँझ पदभार ग्रहण गरेपछि सञ्चारकर्मीसँग संक्षिप्त कुराकानी गर्दै मन्त्री तामाङले आफू स्टन्टबाजी गर्ने पक्षमा नरहेको बताए ।
मन्त्रालयमा भएको नीतिगत समस्याको अध्ययन गरेर व्यवहारिक हिसाबले समस्या समाधानमा लाग्ने उनको भनाइ छ ।
“म स्टन्ट गर्ने भन्दा पनि कसरी हुन्छ, मन्त्रालयको समस्या समाधान गर्न छु । पहिलो कुरा त मन्त्रालयको नीतिगत समस्या के के छन्, अध्ययन गर्नुपर्यो । त्यसपछि व्यवहारिक हिसाबले कसरी हल सकिन्छ, योजना बनाएर अघि बढ्छौँ । म त्यो स्टन्ट गर्ने पक्षमा छैन ।”
उनले आफ्नो कार्यकालमा ईयूले नेपाली उड्डयन क्षेत्रलाई राखेको कालोसूची हटाउने प्रयास गर्ने पनि बताए ।