काठमाडौं । बीवाईडीको नेपालका लागि आधिकारिक वितरक साइमेक्स इंकले ‘नेपाली अब युरो कपमा’ योजना ल्याएको छ । योजनाअन्तर्गत नेपालका फुटबल उत्साहीले जमर्नीमा ‘यूईएफए युरो २०२४’लाइभ हेर्न पाउने छन् ।
विश्वको प्रमुख न्यू इनर्जी भेहीकल (एनईभी–ईभी) निर्माता बीवाईडी यूईएफए (युनियन अफ युरोपियन फुटबल एसोसियसन) युरोपियन फुटबल च्याम्पियनसिप २०२४ को आधिकारिक ईमोबिलिटी पार्टनर भएको छ ।
बीवाईडीले इतिहासमै पहिलो पटक यूईएफएसँग साझेदारी गरेको हो । यूईएफए युरो २०२४ का खेलहरू जुन १४ देखि जुलाई १४ सम्म जर्मनीका विभिन्न फुटबल मैदानमा हुँदैछ ।
नवप्रवर्तन र ग्राहक सन्तुष्टिको प्रतिबद्धतालाई झल्काउँदै साइमेक्स इंकले ११ जना ‘लक्की’ ग्राहकलाई मैदानमै खेल हेर्न सकिने अफर ल्याएको हो ।
यो पहलले विश्वकै प्रतिष्ठित खेलकुद इभेन्टमध्येको युरो कपमा ग्राहकलाई अविस्मरणीय अनुभव प्रदान गर्ने लक्ष्य रहेको कम्पनीले जनाएको छ ।
ग्राहकका लागि अविस्मरणीय अनुभव एवं ईभी उद्योगमा नवप्रवर्तन र उत्कृष्टता ल्याउन बीवाईडी प्रतिबद्ध रहेको साइमेक्सले जनाएको छ ।
