ललितपुर । नेपाली कांग्रेसका वाग्मती प्रदेश सभापति इन्द्र बानियाँको प्रतिवेदनलाई महासमिति सदस्यहरूले नाराबाजी गरेका छन् । 

ललितपुरको गोदावरीमा जारी महासमिति बैठकको अन्तिम दिन बिहीबार बानियाँले प्रतिवेदन पेस गरेलगत्तै सदस्यहरूले उठेर नाराबाजी गरेका हुन् ।

बानियाँले प्रस्तुत गरेको प्रतिवेदनमा गठबन्धन आवश्यक रहेको विषयलाई जोड दिएपछि सदस्यहरूले नाराबाजी गरेका हुन् । उनीहरूले प्रतिवेदनमा आफूहरूको भावना नसमेटिएको बताएका थिए । नाराबाजीका क्रममा उनीहरूले गठबन्धन गर्न नहुने माग राखेका छन् ।

महामन्त्री गगन थापाले केन्द्रीय समितिले यसलाई सम्बोधन गर्ने भनेपछि स्थिति सामान्य भएको थियो । अहिले महासमिति बैठकको समापनसत्र जारी छ ।