देश
![स्रोत नखुलेको सात किलो सुन र नगदसहित एकजना पक्राउ](https://12khari.top/uploads/posts/Pakrau Arrest1691160969.jpg)
काठमाडौं । कास्कीमा स्रोत नखुलेको सात किलो ७८१ ग्राम ९९ मिलिग्राम सुन बरामद गरिएको छ ।
पक्राउ पर्नेमा भारतको पश्चिम बंगाल मेदिनीपुर दासपुर–११ घर भई पोखरा महानगरपालिका–२, मोहोरिया टोलस्थित बस्ने ४० वर्षीय सुरजित भौमिक छन् ।
कास्कीमा जय भैरव ज्वेलर्स सञ्चालन गरी बस्ने उनलाई मंगलबार बिहान प्रहरीले पक्राउ गरेको हो ।
उनको साथबाट स्रोत नखुलेको सुन, सुनका गहना, चाँदीका गहना ६ किलो र नगद ६२ लाख ८१ हजार रूपैयाँ बरामद गरिएको छ ।
जिल्ला प्रहरी कार्यालय कास्कीबाट खटिएको प्रहरीले भौमिकले सञ्चालन गरेको उक्त ज्वेलर्सबाट स्रोत खुलाउन नसकेको उक्त गहना र नगदसहित उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाइएको छ ।
प्रकाशित मिति: मंगलबार, फागुन १, २०८० १३:२७
प्रतिक्रिया दिनुहोस्