काठमाडौं । जनमत पार्टीका अध्यक्ष एवं सांसद सीके राउतसहितका नेता पक्राउबारे सभामुख देवराज घिमिरेले उपप्रधान तथा गृहमन्त्री नारायणकाजी श्रेष्ठ र प्रहरी प्रमुख वसन्तबहादुर कुँवरबाट जानकारी लिएका छन् ।

संघीय मामिला तथा सामान्य प्रशासनमन्त्री अनिता देवी र उद्योग तथा वाणिज्य र श्रम तथा उपभोक्ता हित समितिका सभापति अब्दुल खान पक्राउबारे फोन सम्पर्कमा गृहमन्त्री नारायणकाजी श्रेष्ठले आफूले हिरासतमै गएर नेताहरू छुटाउने बताएका थिए ।

लगत्तै भृकुटीमण्डप पुगेर गृहमन्त्रीले उनीहरू छुटेको जानकारी दिएको सभामुखको सचिवालयले जनाएको छ ।

प्रहरीले भने मन्त्री अनितालाई नियन्त्रणमा नलिएको जनाएको छ । तर, उनी भृकुटीमण्डप पुगेकी थिइन् ।

• सरकारले तोकेको निषेधित क्षेत्र तोड्न मन्त्री नै पुगिन् माइतीघर