पोखरा । कास्कीमा सवारी दुर्घटनामा परी दुईजनाको मृत्यु भएको छ । पोखरास्थित बागलुङ बसपार्कबाट जिरो किमितर्फ जाँदै गरेको बा १३ च ३७२१ नम्बरको कारको ठक्करबाट दुईजना पैदलयात्रीको ज्यान गएको हो ।

ज्यान गुमाउनेमा बाग्लुङको ढोरपाटन–६ का २० वर्षीय ढालेन्द्र छन्त्याल र अहिलेसम्म नाम थर वतन नखुलेको अन्दाजी ३५ वर्षीय एकजना पुरुष रहेका छन् । छन्त्यालको उपचारका क्रममा पश्चिम क्षेत्रीय अस्पताल गण्डकीमा निधन भएको हो ।

प्रहरीले कारलाई घटनालगत्तै नियन्त्रणमा लिएको थियो । तर, चालक कास्की माछापुच्छ्रे गाउँपालिका–२ खादरजुङका ३२ वर्षीय भक्तराम गुरुङ फरार भएका थिए । तर, अहिले उनी आफैँ सम्पर्कमा आइसकेको कास्की प्रहरीका डीएसपी श्रवणकुमार बिकले जानकारी दिए ।

प्रहरीले घटनाबारे थप अनुसन्धान थालेको छ ।