काठमाडौं । प्रतिनिधिसभा अन्तर्गतको अर्थ समितिले नेपाल दूरसञ्चार प्राधिकरणलाई १५ दिनभित्र सबै विवरण पेस गर्न निर्देशन दिएको छ । 

एनसेलको सेयर खरिद बिक्रीका विषयमा समितिमा अहिलेसम्म भएका गतिविधिको सम्पूर्ण विवरण पेस गर्न समितिले निर्देशन दिएको हो । समितिको आज बसेको बैठकमा समिति सदस्यहरुले एनसेलको सेयर खरिद बिक्रीका विषयमा तत्काल सत्यतथ्य जानकारी गराउन माग गरेका थिए । 

समितिको अर्को बैठकमा एनसेलका प्रमुख कार्यकारी अधिकृत, अर्थ मन्त्री, दूरसञ्चार प्राधिकरणका पदाधिकारीलगायतलाई उपस्थित हुन निर्देशन दिइएको सभापति सन्तोष चालिसेले जानकारी दिए ।