![अस्थायी आवास निर्माणमा सेना, प्रहरी र सशस्त्र परिचालन गर्ने मन्त्रिपरिषद्को निर्णय](https://12khari.top/uploads/posts/tripal-JAJARKOT-(1)-1701186376.jpg)
काठमाडौं । सरकारले जाजरकोट भूकम्पपीडितलाई तत्काल छानामुनि पुर्याउन सुरक्षा अंगलाई अस्थायी आवास निर्माणमा लगाउने भएको छ ।
मन्त्रिपरिषद्को बुधबार बसेको बैठकले नेपाली सेना, नेपाल प्रहरी र सशस्त्र प्रहरीलाई अस्थायी आवास निर्माणमा लगाउने निर्णय गरेको सरकारकी प्रवक्ता तथा सञ्चार तथा सूचना प्रविधिमन्त्री रेखा शर्माले जानकारी दिइन् ।
अस्थायी आवास निर्माण नहुँदा चिसोका कारण मृत्युसम्म भएको गुनासो आएको भन्दै जिल्ला सुरक्षा समितिअन्तर्गत परिचालन हुने गरी तीनवटै सुरक्षा निकायलाई परिचालन गर्न लागेको उनको भनाइ थियो ।
प्रमुख जिल्ला अधिकारीको नेतृत्वमा हुने जिल्ला सुरक्षा समितिले परिचालन गर्ने गरी तीनवटै सुरक्षा निकायले स्वयं सेवकका रूपमा काम गर्ने बताइएको छ ।
![Global Ime bank](https://baahrakhari.com/uploads/bigyaapan/30885600.gif)