काठमाडौं । साताको अन्तिम कारोबार दिन सेयर बजार घटेर बन्द भएको छ । बिहीबार नेप्से परिसूचक ११.८५ अंकले घटेर बन्द भएको हो । सेयर बजार पछिल्ला तीन दिन लगातार बढेको थियो ।
बिहीबार नेप्से परिसूचक ०.६३ प्रतिशतले घटेर १८५२.०८ विन्दुमा बन्द भएको छ । बुधबार नेप्से ५.१७ अंकले बढेर बन्द भएको थियो ।
आज ८३ करोड ६० लाख रुपैयाँको सेयर कारोबार भएको छ । बुधबार ७८ करोड २७ लाख रुपैयाँको सेयर कारोबार भएको थियो ।
सर्वाधिक सेयर मूल्यवृद्धि सयपत्री हाइड्रोपावरको भएको छ । यो कम्पनीको सेयर मूल्य ६.९६ प्रतिशतले बढेर प्रतिकित्ता ५०७ रुपैयाँ कायम भएको छ ।
सर्वाधिक सेयर मूल्य घट्नेमा माउन्टेन इनर्जी नेपाल लिमिटेड छ । यो कम्पनीको सेयर मूल्य ६.४३ प्रतिशतले घटेर प्रतिकित्ता ७३८ रुपैयाँ कायम भएको छ ।
सोनापुर मिनेरल्स एन्ड आयल लिमिटेडको सर्वाधिक कारोबार भएको छ । यो कम्पनीको सात करोड आठ लाख रुपैयाँको सेयर खरिद–बिक्री भएको छ ।
कारोबारमा आएका १३ वटै समूहको परिसूचक घटेको छ । अन्य समूहको परिसूचक सबैभन्दा बढी घटेको छ । यो समूहको परिसूचक १.५५ प्रतिशतले घटेको छ ।
यस दिन २८२ धितोपत्रका २८ लाख ३३ हजार ७३१ कित्ता खरिद–बिक्री भएको नेपाल स्टक एक्सचेन्ज (नेप्से)ले जनाएको छ ।
