काठमाडौं । नेकपा (एमाले)को सचिवालय बैठक सुरु भएको छ । पार्टी केन्द्रीय कार्यालय च्यासलमा बैठक बसेको हो ।

पार्टीले सञ्चालन गर्न लागेको मध्यपहाडी लोकमार्ग अभियान बैठकको मुख्य एजेन्डा र रहेको प्रचार विभाग प्रमुख राजेन्द्र गौतमले जानकारी दिए । त्यस्तै, बैठकमा भूकम्पलगायतका विषयमा पनि छलफल भइरहेको छ ।

एमालेले आगामी मंसिरमा मध्यपहाडी लोकमार्ग केन्द्रित अभियान सञ्चालन गर्दै छ । अभियानको तयारीस्वरुप हालै दुई टोलीले लोकमार्गको अवलोकन गरिसकेको छ ।

पार्टीका उपमहासचिवद्वय प्रदीप ज्ञवाली र विष्णु रिमाल नेतृत्वका दुई टोलीले पूर्वमा पाँचथरको चिवाभञ्ज्याङदेखि सुदूरपश्चिमको झुलाघाट (बैतडी)सम्मको अवलोकन गरेका थिए ।