काठमाडौं । कोसी प्रदेश सरकारले जाजरकोट भूकम्पपीडितको राहत र उद्धारकार्यमा सहयोग गर्ने निर्णय गरेको छ ।

शनिबार बसेको प्रदेश मन्त्रिपरिषद्को बैठकबाट एक करोड रुपैयाँ विपद् कोषमा सहयोग गर्ने निर्णय गरिएको सरकारका प्रवक्ता शमशेर राईले जानकारी दिए ।

यस्तै, भूकम्पीडितका निम्ति एक गाडी त्रिपाल, कम्बल, मेट्रेसलगायत सामग्री सहयोग गर्ने निर्णय गरिएको उनले बताए ।

शुक्रबार राति ११ बजेर ४७ मिनेटमा कर्णाली प्रदेशको जाजरकोट केन्द्रविन्दु भएर गएको ६.४ म्याग्निच्युडको भूकम्पमा परी जाजरकोट र रुकुम पश्चिममा ठूलो जनधनको क्षति भएको छ ।