site stats
बाह्रखरी :: Baahrakhari
देश
Global Ime bankGlobal Ime bank
वन्यजन्तु र मानवबीचको द्वन्द्व अहिलेको प्रमुख चुनौती : मन्त्री महतो
फाइल तस्बिर ।

काठमाडौं । वन तथा वातावरणमन्त्री डा. वीरेन्द्रप्रसाद महतोले वन्यजन्तु र मानवबीचको द्वन्द्व अहिलेको प्रमुख चुनौती रहेको बताएका छन् । शुक्रबार ललितपुरमा आयोजित राष्ट्रिय प्रकृति संरक्षण कोषको ४१औँ वार्षिकोत्सव तथा संरक्षक संरक्षण समारोहमा उनले यस्तो बताएका हुन् ।

उनले राष्ट्रिय प्रकृति संरक्षण कोषले सरकारसँग समन्वय गरेर यस्ता समस्याको व्यवस्थापनमा जोड दिनुपर्ने उल्लेख गरे । बाँदर, हात्ती, बँदेललगायत जीवजन्तुबाट कृषकलाई समस्या सिर्जना भएको भन्दै उनले त्यसको व्यवस्थापनको आवश्यकता औँल्याए ।

“हामीसँग भएका संस्थालाई सुरक्षित र सक्रिय गरेर मन्त्रालयसँग सहकार्य गरेर अघि बढ्न सके पर्यटकस्थलको विकास गर्न सकिन्छ । पर्यटकहरू बढाउन सकिन्छ । संसारमा नभएका जीवजन्तुहरू जुन हाम्रा सम्पत्ति हुन्, ती हेर्न पर्यटकहरू आउनेछन् । यसले आर्थिक समृद्धिमा ठूलो टेवा पुग्नेछ,” उनले भने, “आउने दिनमा हामीसँग एउटा ठूलो चुनौती भनेको वन्यजन्तु र मानवबीचको द्वन्द्व हो । यसमा पनि सकेसम्म धेरै ठाउँबाट सहयोग गरेको छ, मन्त्रालयसँग मिलेर सहकार्य गरेको छ । अझै पूर्ण संरक्षण गर्न सकेका छैनौँ । जीवजन्तु बढाउँदै गर्दा कृषकको लागि बाँदरको समस्या, हात्तीबाट जिउधनको क्षति हुने समस्या छ । अन्य जीवजन्तुबाट कृषकले समस्या पाइरहेका छन् । यसमा सबै मिलेर समाधान गर्नुपर्छ ।”

प्रकाशित मिति: शुक्रबार, कात्तिक ३, २०८०  १५:०२
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro