काठमाडौं । धितोपत्र दोस्रो बजार मापक नेप्से परिसूचक बुधबार ३३.२० अंकले घटेको छ । गत कारोबार दिन बुधबार १८ अंकले घटेको बजार आइतबार पनि उच्च अंकले घटेको हो । आज नेप्से १.६५ प्रतिशतले घटेर १९७१.२० विन्दुमा बन्द भएको छ ।

कारोबारमा आएका १३ वटै समूहको परिसूचक घटेको छ । सर्वाधिक परिसूचक घट्नेमा हाइड्रोपावर समूह रहेको छ । यस समूहको परिसूचक ३.३२ प्रतिशतले घटेको छ । बुधबार पनि यस समूहको परिसूचक १ प्रतिशतभन्दा बढीले घटेको थियो ।

नेप्से घटे पनि कारोबार रकममा भने केही सुधार भएको छ । आज एक अर्ब ८३ करोड रुपैयाँको कारोबार भएको छ । गत बुधबार एक अर्ब ८१ करोड रुपैयाँको सेयर कारोबार भएको थियो ।

सयपत्री हाइड्रोपावरको सेयर मूल्य १० प्रतिशतले वृद्धि भएर प्रतिकित्ता ४२९ रुपैयाँ कामय भएको छ ।

आज एक म्युचुअल फन्ड समूहको मूल्य १० प्रतिशतले घटेको छ ।

सर्वाधिक सेयर कारोबार हुनेमा सन नेपाल लाइफ इन्स्योरेन्स कम्पनी लिमिटेड रहेको छ । यस कम्पनीको १४ करोड ७३ लाख रुपैयाँको सेयर खरिदबिक्री भएको छ ।

कारोबारमा आएका २८४ धितोपत्रको ६७ लाख २३ हजार ४०० कित्ता खरिदबिक्री भएको नेपाल स्टक एक्सचेन्ज (नेप्से)ले जनाएको छ ।