काठमाडौं । एप्पलले सेप्टेम्बर १२ अर्थात् हिजो आफ्नो इभेन्टमार्फत आइफोन १५ र एप्पल वाचलगायत विभिन्न प्रडक्ट सार्वजनिक गरेको छ ।

क्यालिफोर्नियाको कपर्टिनोस्थित एप्पल पार्कमा भएको इभेन्टमार्फत सार्वजनिक बहुप्रतिक्षित आइफोन १५ सिरिजमा यूएसबी टाइप–सी पोर्ट रहेको छ । समग्रमा हेरौँ के कस्ता उत्पादन सार्वजनिक भएः–

आइफोन–१५

इभेन्टमा एप्पलले नेक्स्ट जेनेरेसनको आइफोन मोडेल आइफोन १५ सार्वजनिक गरेको छ । जसको सेप्टेम्बर २२ देखि बिक्री खुला गरिनेछ । आइफोन १५ मा निम्न विशेषता छन्ः

• सुपर रेटिना एक्सडीआर र ए१६ बायोनिक चिप
• पिक ब्राइटनेस
• आइफोन १५ र १५ प्लस गरेर दुई साइज
• पाँचवटा रङ भेरियन्ट
• ४८ मेगापिक्सेल, अटो पोट्रेट मोड र फोरके रेर्कडिङ क्षमताको अत्याधुनिक क्यामेरा
• लोकेसन सेयर
• भ्वाइस छुट्याउने क्षमता
• रोड साइड एसिसटेन्स र आपत्कालीन एसओएस

यीसहितका फिचरहरु नयाँ फोनमा उपलब्ध छ । फोनको सुरुआती मूल्य ७९९ अमेरिकी डलर तोकिएको छ ।

एप्पल इभेन्ट : आइफोन–१५ मा सी टाइप चार्जर, थप के–के ?

आइफोन–१५ प्रो

कम्पनीले यसलाई आजसम्म उत्पादन गरेकै सबैभन्दा ‘प्रो’ आइफोन भनेको छ । आइफोन प्रोको ‘बडी’ फाइभ ग्रेडको टिटानियमले बनेको छ । गेमिङसहित नयाँ सफ्टवयर फिचर अपडेट रहेको फोन थप रिपेयर गर्न सकिने किसिमले बनाइएको छ ।

म्युट बटनलाई रिप्लेस गरेर एक्सन बटन राखिएको छ । यसले फ्ल्यास लाइट अन गर्ने, सिरी सर्टकट जस्ता सुविधा दिनेछ ।

९९९ अमेरिकी डलरबाट सुरु हुने फोनको प्रो क्यामेरामा मल्टिपल लेन्स र ४८ मेगापिक्सल क्षमता रहेको छ । डाटा ट्रान्सफरका लागि यसको पोर्टमा १० गिगाबाइट प्रतिसेकेन्डको स्पिड रहेको छ ।

१. आइफोन १५ प्रो म्याक्स

कम्पनीले फ्ल्यागसिप क्यामेरा क्षमतासहितको आइफोन १५ प्रो म्याक्स सार्वजनिक गरेको छ । आइफोन १५ प्रो म्याक्समा १२० मिलिमिटर फोकल लेन्थ बराबरको लेन्स रहेको छ भने क्यामेरामा २५ प्रतिशत थप सेन्सर छ । फाइभएक्स टेलिफोटो लेन्स रहेको फोनको मूल्य एक हजार १९९ अमेरिकी डलर रहेको छ ।

२. यूएसबी–सी पोर्ट

आइफोन १५, आइफोन १५ प्लस, आइफोन १५ प्रो र आइफोन १५ प्रो म्याक्स सबैमा यूएसबी सी टाइप पोर्ट रहेको छ । यस्तै, एप्पलको वायर्ड एयरबड्समा र एयरपोड्स प्रो २ मा पनि सी पोर्ट आएको छ ।

३. एप्पल वाच सिरिज ९

एप्पलले सिरिज ९ को वाच सार्वजनिक गरेको छ । गत वर्षको एप्पल वाच अल्ट्राको लागि अपडेट पनि सार्वजनिक गरेको छ । नयाँ वाचमा एस९ चिप समावेश गरिएको छ भने डबल ट्याप, अन डिभाइस सिर र फाइन्ड योर फोन फिचर उपलब्ध छ ।

नयाँ एडभान्स डिस्प्ले, कस्टुमाइज गर्न सकिने वाच फेस, एक्सरसाइजका बेला डाटा कलेक्ट गर्न पावर जोन र लग वाटर डाइभ सुविधा रहेको वाचको मूल्य ७९९ अमेरिकी डलरदेखि सुरु छ ।

एयरपड्स

आइफोन जस्तै एयरपड्स प्रो २ मा पनि यूएसबी सी पोर्ट रहेको छ । २४९ अमेरिकी डलर मूल्य रहेको योसँगै १९ अमेरिकी डलरको वायर्ड एयरपड्स पनि सी पोर्टमा उपलब्ध हुने कम्पनीले जनाएको छ ।

आइक्लाउड प्लस

एप्पलले क्लाउड स्टोरेज सुविधा आइक्लाउड प्लसमा ६ टेराबाइट र १२ टेराइबाइट स्पेसको स्टोरेज उपलब्ध गराएको छ । धेरै स्टोरेज चाहिनेका लागि यो फाइदाजनक हुन सक्छ ।

आईओएस

एप्पलले यसको पछिल्लो अपरेटिङ सिस्टम आईओएस १७ सेप्टेम्बर १८ मा निःशुल्क अपडेट गर्न मिल्ने गरी सार्वजनिक भइरहेको बताएको छ । नयाँ आईओएस सार्वजनिक भएसँगै नयाँ आइफोन खरिद नगरे पनि सफ्टवेयर अपडेट गरेर नयाँ फिचरहरु प्राप्त गर्न सकिनेछ ।

यसमा लाइभ भ्वाइसमेल, फेस टाइम अडियो–भिडियो म्यासेज, अरुको फोन आउँदा आफ्नो फोटो चाहेअनुसार देखाउन सकिने कन्ट्याक्ट पोस्टरलगायत सुविधा थपिएका छन् ।