काठमाडौं । फ्रान्सले सेप्टेम्बर ४ बाट सुरु हुने नयाँ शैक्षिक वर्षको पूर्वसन्ध्यामा विद्यालयका बालबालिकालाई पूरै शरीर ढाक्ने परम्परागत लामो लुगा (अबाया) लगाउन प्रतिवन्ध लगाउने घोषणा गरेको छ । 

टेलिभिजनसँगको अन्तर्वार्ताका क्रममा शिक्षामन्त्री गेब्रियल एटलले फ्रान्सेली विद्यालयहरूमा अबाया लगाउने अनुमति नदिइने बताएका छन् । उनले यो लुगा लगाउने विवादास्पद मुद्दाको सम्बन्धमा विद्यालय प्रशासकहरूका लागि राष्ट्रियस्तरमा स्पष्ट नियम बनाउने आफ्नो उद्देश्य रहेको बताएका छन् । 
 
केही समययता अबाया लगाउने घटनाका कारण मन्त्री विवादित बनेका छन् ।