![बैठक बहिस्कार गरेर कोसी प्रदेशसभाबाट बाहिरिए एमाले र राप्रपा सांसद](https://12khari.top/uploads/posts/koshi-PradeshSava1692779996.jpg)
विराटनगर । कोसी प्रदेशसभाको आजको बैठक सुरु हुनासाथ प्रमुख प्रतिपक्षी नेकपा (एमाले) र विपक्षी राष्ट्रिय प्रजातन्त्र पार्टी (राप्रपा)का सांसदले बैठक बहिस्कार गरेका छन् ।
विश्वासको मत लिने क्रममा सभाध्यक्षको अधिकारको दुरुपयोग भएको भन्दै विपक्षीले विरोध गरेका हुन् ।
राप्रपा कोसी प्रदेश संसदीय दलका नेता भक्ति सिटौला सभाध्यक्ष इसराइल मन्सुरीले बैठक सुरु गर्नासाथ बैठक बहिस्कार गर्दै बाहिर निस्किएका थिए ।
बैठकको अध्यक्षता गरिरहेका मन्सुरीबाट फेरि असंवैधानिक निर्णय भएकोले बैठक बहिस्कार गर्ने निर्णय भएको भन्दै सिटौला सभा छाडेर निस्किएका थिए ।
एमाले र राप्रपाका सांसदले बहिस्कार गरेपछि मन्सुरीले बैठक अर्को सूचना नहुन्जेलसम्मको लागि स्थगित भएको घोषणा गरे ।